Cog, an ye were aye fou,
Cog, an ye were aye fou,
I wad sit and sing to you,
If ye were aye fou.

Weel may ye a' be!
Ill may we never see!
God bless the king, boys,
And the companie!

Rattlin' Roarin' Willie.
TUNE-Rattlin' roarin' Willie.

Oн, rattlin' roarin' Willie,
Oh, he held to the fair,
And for to sell his fiddle,

And buy some other ware;
But parting wi' his fiddle,

The saut tear blin't his ee; And rattlin' roarin' Willie,

Ye're welcome hame to me!

Oh Willie, come sell your fiddle,
Oh sell your fiddle sae fine;
Oh Willie, come sell your fiddle,
And buy a pint o' wine.
If I should sell my fiddle,

The warl would think I was mad;

For mony a rantin' day

My fiddle and I hae had.

As I cam by Crochallan,
I cannily keekit ben-
Rattlin' roarin' Wille

Was sitting at yn board en'-
Sitting at yon board ne',

And amang guid companie; Rattlin roaring' Willie,

Ye're welcome hame to me!

Simmer's a Pleasant Time.

TUNE-Aye waukin O. SIMMER'S a pleasant time,

Flowers of every colour; The water rins o'er the heugh, And I long for my true lover.

Aye waukin O,

Waukin still and wearie: Sleep I can get nane

For thinking on my dearie

When I sleep I dream,

When I wauk I'm eerie: Sleep I can get nane

For thinking on my dearie.

Lanely night comes on,

A' the lave are sleeping;

I think on my bonnie lad,
And bleer my een wi' greetin'.

My Love she's but a Lassie qet.

TUNE-Lady Badinscoth's Reel.
My love she's but a lassie yet,
My love she's but a lassie yet,
We'll let her stand a year or twa,
She'll no be half sae saucy yet.
I rue the day I sought her, O,

I rue the day I sought her, O;
Wha gets her needs na say she's woo'd,

But he may say he's bought her, O! Come, draw a drap o' the best o't yet, Come, draw a drap o' the best o't yet; Gae seek for pleasure where ye will, But here I never miss'd it yet. We're a' dry wi' drinking o't,

We're a' dry wi' drinking o't; The minister kiss'd the fiddler's wife, And could na preach for thinking o't.

The Captain's Lady.

TUNE-O Mount and Go.
CHORUS.

Oн mount and go,

Mount and make you ready;
Oh mount and go,

And be the captain's lady;
When the drums do beat,
And the cannons rattle,
Thou shalt sit in state,
And see thy love in battle.
When the vanquish'd foe
Sues for peace and quiet,
To the shades. we'll go,
And in love enjoy it.

First when Maggy was my Care.

TUNE-Whistle o'er the lave o't. FIRST when Maggy was my care, Heaven I thought was in her air; Now we're married-spier nae mairWhistle o'er the lave o't. Meg was meek, and Meg was mild, Bonnie Meg was nature's child; Wiser men than me's beguil'd— Whistle o'er the lave o't.

247

snaw;

His hose they are blae, and his shoon like the slae,

And his clear siller buckles they dazzle us a'.

For beauty and fortune the laddie's been courtin'; [and braw; Weel-featured, weel-tocher'd, weel-mounted, But chiefly the siller, that gars him gang till her,

The penny's the jewel that beautifies a'. There's Meg wi' the mailen that fain wad a-haen him;

[ha'; And Susie, whose daddy was laird o' the There's lang-tocher'd Nancy maist fetters his fancy[of a'. But the laddie's dear sel' he loes dearest

Oh aye my Wife she Dang me.
TUNE-My wife she Dang me.

O AYE my wife she dang me,
And aft my wife did bang me,
If ye gie a woman a' her will,

Guid faith, she'll soon o'ergang ye. On peace and rest my mind was bent, And fool I was I married;

But never honest man's intent
As cursedly miscarried.
Some sa'r o' comfort still at last,

When a' my days are done, man; My pains o' hell on earth are past, I'm sure o' bliss aboon, man.

Eppir Adair.
TUNE-My Eppie.

AND oh! my Eppie,
My jewel, my Eppie!
Wha wadna be happy
Wi' Eppie Adair?
By love, and by beauty,
By law, and by duty,
I swear to be true to
My Eppie Adair !

And oh! my Eppie,
My jewel, my Eppie,
Wha wadna be happy
Wi' Eppie Adair?
A' pleasure exile me,
Dishonour defile me,
If e'er I beguile thee,
My Eppie Adair !

The Battle of Sherriff-lair.

TUNE-Cameronian Rant.

"On cam ye here the fight to shun,
Or herd the sheep wi' me, man?
Or were ye at the Sherra-muir,

And did the battle see, man ?”
"I saw the battle, sair and tough,
And reekin' red ran mony a sheugh,
My heart, for fear, gaed sough for sough,
To hear the thuds, and see the cluds,
O' clans frae woods, in tartan duds,

Wha glaum'd at kingdoms three, man.
The red-coat lads, wi' black cockades,
To meet them were na slaw, man;
They rush'd and push'd, and bluid outgush'd,
And mony a bouk did fa', man :
The great Argyle led on his files,

I wat they glanc'd for twenty miles:

They hack'd and hash'd while broadswords clash'd,

And thro' they dash'd, and hew'd, and smash'd, Till fey men died awa, man.

But had you seen the philabegs,

And skyrin tartan trews, man;

When in the teeth they dar'd our Whigs,
And covenant true blues, man ;

In lines extended lang and large,
When bayonets opposed the targe,
And thousands hasten'd to the charge,
Wi' Highland wrath they frae the sheath
Drew blades o' death, till, out o' breath,
They fled like frighted doos, man.”
"Oh how diel, Tam, can that be true?
The chase gaed frae the North, man ;
I saw myself, they did pursue

The horseman back to Forth, man;
And at Dunblane, in my ain sight,
They took the brig wi' a' their might,
And straught to Stirling winged their flight;
But, cursed lot! the gates were shut;
And mony a huntit, poor red-coat,
For fear amaist did swarf, man!"
'My sister Kate cam up the gate
Wi' crowdie unto me, man;
She swore she saw some rebels run
Frae Perth unto Dundee, man:
Their left-hand general had nae skill,
The Angus lads had nae good will
That day their neibor's blood to spill;
For fear, by foes, that they should lose
Their cogs o, brose-all crying woes;

And so it goes you see, man.
They've lost some gallant gentlemen
Amang the Highland clans, man:
I fear my Lord Panmure is slain,

Or fallen in Whiggish hands, man:
Now wad ye sing this double fight,
Some fell for wrang, and some for right;
But mony bade the world guid-night;
Then ye may tell, how pell and mell,
By red claymores, and muskets' knell,
Wi' dying yell, the Tories fell,

And Whigs to hell did flce, man.'

The Bighland Widow's Lament. (388)

OH! I am come to the low countrie,
Och-on, och-on, och-rie!

Without a penny in my purse,

To buy a meal to me.

It was na sae in the Highland hills,
Och-on, och-on, och-rie!

Nae woman in the country wide
Sae happy was as me.

For then I had a score o' kye,
Och-on, och-on, och-rie!

Feeding on yon hills so high,

And giving milk to me.

And there I had three score o' yowes,
Och-on, och-on, och-rie!

Skipping on yon bonnie knowes,
And casting woo' to me.

I was the happiest of a' the clan,
Sair, sair may I repine;
For Donald was the brawest lad,
And Donald he was mine.

Till Charlie Stewart cam at last,
Sae far to set us free;
My Donald's arm was wanted then,
For Scotland and for me.

Their waefu' fate what need I tell?
Right to the wrang did yield:
My Donald and his country fell
Upon Culloden's field.

Oh! I am come to the low countrie,
Och-on, och-on, och-rie!

Nae woman in the world wide
Sae wretched now as me.

Whare hae ye Been?

TUNE-Killiecrankie.

WHARE hae ye been sae braw, lad?

Where hae ye been sae brankie, O?
Oh, whare hae ye been sae braw, lad?
Cam ye by Killiecrankie, O ?
An ye had been whare I hae been,
Ye wad nae been sae cantie, O;
An ye had seen what I hae seen,
On the braes of Killiecrankie, O.
I fought at land, I fought at sea;
At hame I fought my auntie, O;
But I met the devil and Dundee,

On the braes o' Killiecrankie, O.
The bauld Pitcur fell in a furr,
And Clavers got a clankie, O;
Or I had fed an Athole gled,
On the braes o' Killiecrankie, O,

Theniel Menzie's Bonnie Marg.

TUNE-The Ruffian's Rant.

IN coming by the brig o' Dye,
At Darlet we a blink did tarry;
As day was dawin in the sky,
We drank a health to bonnie Mary.
Theniel Menzie's bonnie Mary,
Theniel Menzie's bonnie Mary ;
Charlie Gregor tint his plaidie,

Kissin' Theniel's bonnie Mary.

Her een sae bright, her brow sae white,
Her haffet locks as brown's a berry;

And aye they dimpl't wi' a smile,
The rosy cheeks o' bonnie Mary.