S'én mocque et rid souvent; et surtout est tenue 20 A desdain et mespris nostre teste cornue.

Mais, malgré ces mocqueurs, par tout le monde entier
Adorer je feray, de quartier en quartier,

Les cornes tellement, qu'heureux s'estimera,
Celluy qui, les voyant, le genouil fleschira.

25 Et sçavez-vous comment? En cest obscur manoir,
Nous ferons ung bonnet de quelque fin drap noir,
Bonnet qui, cauteleux, quatre cornes aura,
Dans lesquelles du tout nostre sçavoir sera,
Sçavoir dis-je, infernal, malheureux et horrible,
30 Dont sera gardien ce bonnet si terrible,

De façon que tous maulx en luy seront compris,
Estant ce beau bonnet de nostre enfer le pris.
Mesmes il sera tel qu'au plus eminent lieu
Il sera veneré et servy comme ung Dieu,
35 En faisant triumpher qui luy obeira

Et mourir forcement qui luy contredira.
Ainsi ce seul bonnet, par son grand malefice,
Fera, sans nous peiner, cy après nostre office.
Besongnons donc soubdain, et que chacun couraige
40 S'employe avidement à ce gaillard ouvraige.“
Lucifer lors se tut, et sans aultre response,
Chascun des infernaux vint à ceste semonce.
Satan bailla soubdain le drap, fin au possible;
Belial print l'esguille et poignante et nuisible,
45 Et les filles d'Erèbe et la Nuict obscure

D'aprester tost le fil prindrent toute la cure.
Le bonnet fut taillé, et chascun d'eux à force
De faire ce bonnet d'heure en heure s'efforce.
Tous les esprits malins, jusques au chien portier,

50 Exercèrent ce jour l'estat de bonnetier,

Sans qu'aulcun se trouvast contre l'oeuvre estrivant.
Firent premierement la corne de devant,

Poinctue en esguillon, et mirent en ycelle,

Pour honneste aornement, rapine et sa sequelle.
55 Larcin, son propre enfant, qui n'espargne personne,
Fut mis, avec sa mère, en la corne felonne,
Et les accompaigna faulx semblant sans raison,
Orgueil, fardé conseil, finesse, trahison,
Cruauté, infamie, horreur avec fallace;

60 Puis après, de grand coeur, sans bouger de la place,
Feirent des deux costez les deux cornes iniques,
Où furent mises lors maintes faulses pratiques.
Celle du costé dextre eust pour sa part envie

Avec ambition, et, n'estant assouvie,

65 Eust encor de rechef bon bec, caquet et ruse,
Qui ses propres amys journellement abuse,
Avidité, feintise, invention nouvelle,
Avarice, luxure, inimitié rebelle,
Opinion perverse, infidelle promesse,
70 Deloyaulté, cautelle, aussy peu de sagesse ;
Et de la corne gauche, avecque grand furie,
Prindrent possession trompeuse menterie,
Vendition de cause, infect entendement,
Renversement de droict, faulx et leger serment,
75 Mondanité, paresse, injustice asnerie,
Falcification, vile chicannerie,

Adjournemens, deffaults, sentences, contredictz,
Pour brouiller les plus sainctz qui soient en paradis;
Force prise de corps, appoinctemens à mectre,

80 Y entrèrent aussy avec Procès leur maistre.

Brief, tous les meschans tours qu'enfer eut en caboche,
Furent mis sur-le-champ dedans ce costé gauche,
Et dans la grosse corne, estant sur le derrière,
Ung grand nombre d'espritz de la sumbre tannière
85 Se posèrent soubdain, aussi feirent leurs raiges
Pour, par leurs martiaux et veneneux couraiges,
Deffendre ce bonnet, executer son ire,

Et faire que tousjours et sans cesse il s'empire.
Ce bonnet donc parfait par les diables ensemble,
90 Lucifer, le voyant, s'estonne de peur, tremble;
Et presvoyant les maulx qu'il estoit asseuré
Que ferait quelque jour ce beau bonnet carré,
Ce faict, fist apporter feu ardant de son gouffre,
Et respendant dessus venin mortel et souffre,
95 Suffumigea très-bien ce bonnet dangereux,

100

Pirouettant autour encore tout poureux;

Puis, en roulant les yeulx, de sa griffe le touche,
Et dist les vers suyvans de sa perverse bouche:

,,Bonnet qu'avec horreur je monstre,
O bonnet! pestiféré monstre,

Bonnet infernel et dampné,
Sur la terre bien fortuné,

Bonnet infidele et inique,

105

Bonnet qui ne sent que practique,
Bonnet, horreur de tout le monde,
Bonnet en qui tout mal abonde,
Bonnet, des aultres bonnets Dieu,
Bonnet qui a le premier lieu

Archiv f. n. Sprachen XXXIV.

5

110

115

120

125

130

135

140

145

150

En toute la rotonde terre,
Bonnet qui tousjours fera guerre,
Bonnet carré, bonnet cornu,
Qui rendra son voisin tout nu;
Bonnet faict à quatre malices,
Bonnet, source de tous les vices,
Bonnet nompareil, bonnet fort,
Qui fera d'ung bon droict le tort;
Bonnet plus poignant que sagettes,
Avec ses quatre brahiyettes;
Bonnet qui, portant nom de saige,
Fourra si bien son personnaige,
Que les plus grands l'adoreront
D'aussy loing comme ils le verront;
Bonnet de soy-mesme meschant,
Bonnet de tous costez tranchant,
Bonnet remply de tricherie,
Bonnet qui, par chicannerie,

Rendra maint preud'homme indigent;
Bonnet, amateur de l'argent,
Bonnet que le terrible enfer
A voulu luy-mesme estoffer,
Bonnet menteur, bonnet criart,
Bonnet qui fera, par son art,
Ung jour d'impossible possible;
Bonnet fascheux, bonnet nuisible,
Hardy bonnet, bonnet fantasque,
Bonnet bon pour aller en masque,
Bonnet qui sent bien sa marmitte,
Bonnet qui fait la chattemitte,
Bonnet qui disnera pour rien,
Et mangera d'aultruy le bien;
Bonnet pillard, bonnet fort chiche,
Bonnet sur tous les aultres riche,
Bonnet friant, bonnet farouche,
Inventeur de mainte scarmouche;

1

Bonnet, lequel estant pellé,
Sera soubdain renouvellé
Par ung morceau de parchemin;
Bonnet qui, porté par chemin,
Aux petits enfants fera peur;
Bonnet mutin, bonnet trompeur,
Bonnet qui plus d'or gaignera
Alors que mieulx il mentira
Qu'ung aultre en disant vérité ;

155

160

165

170

175

180

185

190

Bonnet qui, estant irrité,
Fera mesme trembler les cieux;
Bonnet par trop audacieux,
Bonnet inventeur de procez
Duquel on cerchera l'accez,
Bonnet fardé, bonné mauldit,
Bonnet de tout bien interdit,
Bonnet dangereux et lubrique,
Bonnet plus que diabolique,
Bonnet contraire à Jésus-Christ,
Bonnet digne d'un antechrist,
Bonnet propre pour tout mal faire,
Bonnet pour faire ung prince taire,
Bonnet qui tiendra par envie
Des humains la mort et la vie,
Bonnet doux, bonnet favorable,
Au pecunieux venerable,

Bonnet de credit, bonnet brave,
Pour quelque asne qui n'a que bave
Bonnet qui ne vault une pite,
Bonnet plain de fureur despite,
Bonnet paillart, bonnet infame,
Bonnet qui sait par coeur sa gamme,
Bonnet qui faict des loix rempart
Et n'en tient pas la moindre part,
Meschant bonnet, bonnet poinctu,
Bonnet ennemy de vertu,
Bonnet fol et opiniastre,

Bonnet sot et accariatre,
Bonnet remply d'inimitié,
Bonnet sans raison ní pitié,
Bonnet que l'on doit bien fuyr,
Bonnet qui ne peult s'esjouyr
Qu'à voir faire du mal; bonnet
Pervers, dangereux et finet,
Il te convient à cheminer
Par le monde et à dominer,
Affin de le mettre en soussy;
Desloge, donc viste d'icy,
Et va prendre possession
De ta vraye habitation.“

195 Si tost que Lucifer, presens tous ses supos,
Eut mis fin à ses dictz et doulloureux propos,
Le jour s'esvanouit et l'obscur vint sur terre.
Puis après, tout-à-coup, ung esclatant tonnerre,

5*

Entremeslé d'esclairs, vint monstrer ses effortz, 200 Espouvantant d'ung coup des hommes les plus fortz. Voix des malins espritz furent lors entendues,

Qui couroient, forcenez, çà et là par les rues. Bref, il sembloit adonc que ceste terre basse Revint en son cahos et primitive masse. 205 Lors monsieur le bonnet du centre bas s'absente, Et aux tristes humains bravement se presente, En sa lesse les mect, les tourmente et menace, Et leur fait faire joug sous sa cruelle audace, Les tond jusqu'à la peau, et si bien les martyre 210 Que leur faict veoir qu'il est de tous bonnetz le pire. Celuy le peult sçavoir qui, contre l'esquité, L'a, helas! à son dam bien experimenté.

Elegie sur le bonnet carré.

Depuis que Lucifer, par son très grand orgueil,
A esté des haults cieulx çà bas precipité
Le monde tousjours a esté remply de dueil,
Et le bon du meschant a esté rejetté.
Il appert par Cayn, de Satan incité,
Qui son frère tua, Abel, par grande envie,
Parce qu'il luy sembloit que sa simplicité
A Dieu plus aggreoit que sa superbe vie.

Dès alors Lucifer, faulx et malicieux,
Avecque ses suppos commença à forger
Ce fin bonnet carré pour ces ambitieux
Gens d'esglise et prelatz, leur monstrant, sans songer,
Les moyens allechans pour le peuple renger

A leur devotion, et par tel moyen faire

Que contre leurs edits nul s'osast opposer,
Sur payne de la mort qui feroit au contraire.

N'est-ce pas un bonnet finement composé,
Et tissu d'un esprit fort subtil et abile,
Que, quant sur la teste est d'aulcun homme posé,
Et fust-il un asnier de village ou de ville,
Chascun à l'obeir est prompt et fort habile?
Voire si fermement son dire on sanctifie,

Que, combien que d'effect soit de vie orde et vile,
L'abusé plus en luy quasi qu'en Dieu se fie.