Eu los audi frances parlar la genser homes non uerres Et tot garcin de long lamar.

p. 83.

La tenzo de NAemar ede Miraual.

Miraual tenzon granda

Uoil qe fassam si uos sap bon
E digatz mi ses faillida
Som deu laissar per razon
Si donz pos es ueillezida
Ses negunautruchaizon
Respondetz doc odenon,

Naemar tost hai chauzida
La part del prec edel pron
Drutz qa domna conqezida
Non deu moure partizon
Qades ual mais la gauzida
Qan dura longa sazon
Per qaiqi non ueig tenzon.

Miraual molt mes estragna
Dompna pos hal pel ferran
Per qeu lau qab uos remaigna
Qambdui seretz dun semblan
Ueils eueilla sacompagna
E ioues abioues uan
Perqeu ueill domnei desman.

Naesmar pos emesclagna
Uoletz tornar uostre chan
Ben uoill sapchom espagna
Qe uostra dompna ual fan
Qe per men se gazagna
El partir no uos ten dan
Per qes bona uiandan.

p. 84.

La tenzo den Peire Gullerm eden Sordel,

En Sordel qe uos es semblan
De la pro comtessa prezan
Qe tuit dizon euan coindan
Qe per samor es sai uengutz
Qenantz cuidatz esser sos drutz
Qen blacas qes perleis canutz.

Peire guillerm tot son afan
Ames deus enleis per mon dan
Qeil beutatz qe las autras han

Es nientz el pretz es menutz
Ieu eblacasz fosson pendutz
Anz qe nuls ifos auengutz.

En sordel plus amesuratz
Uos faitz damador qanc fos natz
Qe sel comz uenra seguratz
Leu sen poiria repentir
Qautra uos auer uist scremir
En sordel qius o auzes dir.

Peire guillem uos deziratz
Alei dome cui iois non platz
Qel conz es tan ben ensegnatz
Qe nolenqal ia meinz durmir
Qom deu zo celar ecubrir
Qe non tain uezer ni auzir.

En sordel anc mais amador
Noi uenc sai daital color
Com uos qe lautrentendidor
Uolon lo baizar el iazer
Euos metetz enoncbaler
Zo quatres drutz uolon auer.

Deleis am solatz & honor
Peire guillem esi damor
I meschatz un pauc de sabor
Per merce enon per deuer
Qis uolgues agues tot lauer
Del mon & ieu aiqel plazer.

Qi pot al uostre faig gaudir
En sordel pron sap descremir.

Peire guillerm ieu sai suffrir
Lomal damor el ben grazir.

ib.

La tenzon den Gaucelm ede son cozin.

Cozin ab uos uoil far tenzon
Edigatz mi sa uos er bon
Cuna domnab bella faizon
Uos colgab se per tal razon
Qe laisses manentia.

En gaucelm se deus bem don
Per nulla dompna ius del tron
Non laisserai afar mon pron
Anz uoil esser rics hom qom zon
Que pecs ab cortezia.

Cozin per domna ual hom mais
Enes plus cortes eplus gais

Ŏ ualen donna conqerer

Per gran saber

O qe proeza uos enanz

Tant qe de leis siatz ioios.

Simon non sui tals com ieu soil
Qar ieu cugei ia per error
Qe sabers gaides lamador
Mais ar daqel cuiar mi lais
Car amor pais

Iois on granz senz non pot caber
Cab franc uoler

Dardit cor uai amors enantz
Egranz senz les contrarios.

De uostre conseil mi destoil
Seguen lafranc iamais noi cor
Qar uos laissatz sen per follor
Ede folli ardimenz nais
Ab granz eslais

Doncs pos follatges nal poder
Grieu pot ualer

Nuls hom ni far bels faigz prezanz
Si nol guida senz orazos.

Folia nom platz ni lacoil
Ia nom dones aital color
Mas granz senz noma tal saber
Enamar car mais iual iais
Ni non retrais

Qem uengues foudatz aplazer
Anz dic per uer

Tot zo non es ges foudatz granz
Qi non es senz als amoros.

Segnen lafranc damor mi doil
Enai pensamen edolor
Enon puesc uenzer per ricor
Ni per ardimen tant gran fais
Anz mi creis lesmais
Qim fa qadadia doler
Em desesper

Per qe sel senz nomes garrantz
Qim guide morrai adestros.

Amors uol qe cors damic broil
De ioi de pretz ede ualor
Ede bel solatz chascun iorn
Egranz ses les dos epantais
E sen uauç

Doncs sius deu senz damor ualer
Al mieu parer

Partretz uos en per sos comantz
Per qes grantz senz meinz saboros.

Seigner arnaut dun iouen
Son eduna beutatz
Doas donuas mas rictat
Ha launa per un cen
Mais qe lautra eualor
Epart uos un plait damor
Qe la richa uos amara
Abautre qestiers non ia
O lautra tot sol ses plai
Echauzetz qal amatz mai.

En guillem en la meillor pren
Car sai qe mer plus honrat
Qez eu am mais la meitat
En tolosa mantenen
Qe mon ioi nil tripador
& am rics domneis sabor
Qar sai qe miels mistara
Eplus honratz mi scra
Esim puesc esforsar mai
Tant qe lautren getarai.

Seigner atrestan corren
Uos aura lautres gittat
Qom uos lui esadobat
Les enan gitra uos en
Per qeu autrei per meillor
Lo ab sol un amador
Qe cella qi lun penra
Qan lautres la laissara
Nom sal dieus si domna sai
Qaissim pogues tener gai,

Guillem sim fai espauen
Qautrem tueilla samistat
Uos nai ieu assegurat
Etotz los pretz engalmen
No uoil domnei ses lauzor
Monge loian eprior

Qe ia hom pretz no uolra
Domna si bon pretz non ha

Etuit li pron progon lai

On la meiller domna stai.

Segner adreg uitiamen
Tieng dompnei per falsatz
Pos domna cormeitadat
Ni endoas partz senten
Euos fezetz gran follor
Qan prezes al partidor
Qe aren piegz non esta
Parzoners qom en donna fa
Perqe eus dic qeu amarai
Cella qi enanz sols aurai.

ib.

La tenzon de domna Ysabella eden Elias Cairel.

Nelyas cairel del amor

Qieu e uos soliam auer

Uoil sius platz qem digatz louer
Per qe lauetz cambiant aillor

Qe uostre chanz non uai si com solia

& anc uas uos nom sui saluatz un dia

Ni uos damor nom demandetz anc tan

Qieu no fezes tot al uostre coman.

Madomneysabella ualor
Ioi epretz esen esaber
Solatz qec iorn mantener
Esieu en dizia lauzor

Emon chantar nol ditz per drudaria
Mas perhonor epron qieu natendia
Si con ioglars fai de dompna prezan
Mas chascun iorn mes anada cam-
bian.

Nelyas cairel amador

No uim mais de uostre uoler
Qi cambges dompna perauer
Esieu en disses desonor

Eu nai dig tant de be qom nol crei

ria

Mas ben podetz doblar uostra folia De mi uos dic qades uau meilluran Mas endreig uos non ai cor ni talan,

Domneu faria gran follor
Sistes gairen uostre poder
Eges per tal nom desesper
Sans tot non aic pron ni honor

Uos remantes tals com la genz uos

cria

& ieu irei uezer ma bella mia
El sieu gen cor graile eben istan
Que noma cor menzongier ni truan.

Nelias cairel fegnedor
Resemblatz segon mon parer
Con hom qis feing de dol auer
De zo dont el no sent dolor
Sim creziatz bon conseil uos daria
Qe tornassesz estar en la badia
Enous auzei anc mais dir mon sem-
blan

Mas pregar nei lo patriarchuian.

Domneysabel enrefreitor

Non estei anc mattin niser
Mas uos nauretz oi mais lezer
Qem breu temps perdretz la collor
Estier mon grat mi faitz dir uilania
& ai mentit qeu non crei qel mond

sia

Domna tant pros ni ab beutat tan
gran
Com uos auet per qieu ihai agut dan.

Sius plazia nelyas ieu uolria
Qem disesses qals es la uostramia
Edigatz lom enoi anetz doptan
Qeus en ualrai sela ua nisasetan.

Dompna uos menqerretz de grant follia

Qe per razon samistat enperdria Qe perpaor qe lauzengier mi fan Pero non aus descubrir mon talan.

p. 91.

Latenzon den Bertant de Gordon ede Peire Raimon.

Totz tos afaires es nienz
Peire raimon el senz frairins
Enon ual dos ameums
Tos sabers mes bonas genz
Etengi per desconoiscenz
Qi be ni honor ti fai
Esapchas qieu non darai
Per nuil mestier qen tu sia
Mais qar uenguist per mi sai.

Seigner flacs erecrezenz
Estatz mes uostres uezins
Esofrain uos pans euins
Efail uos aur & argen

El meus mestiers es ualenz

Cil uostre dig son sauai
Esieu ia ren de uos hai
Iamai en home qi sia
Amon ior non failliria.

Peire mal mauondet senz
Qar de tenzo uos comis
Qel uostre mestiers es fiz
Euos es bons eplazentz
El nostre arezamentz

Es granz eil chantar son gai
Enegus ioglars non uai
Qe plus tard fezes fallia
Ni plus tost fezes bon plai.

Tant es larcs econoissenz
Qe tot lauer de paris
Darias endos matis
Eplai uos iois eiouentz
Seigner el uostre ardimentz
Es grantz on faifz maint assai
Eplus franc de uos non sai
Esieu raal dig uos auia
Tot sabchon qe mentir nai.

Veias del tafur dolentz
Qes cuidet qeu lesqarnis
Eqeil lauzes el grazis
Sos maluais captenimenz
Esanc li passet las dentz
Bos motz anegun iorn mai
Jacella qeu am nom bai
Esim dis mal perfeunia
Perdon lo qar sen estrai.

Chaitiuer emarrimenz
Es tot lan en uos assis
Eqil uostre fag resis
Mentau ben enuelzimentz
Ben par con es conciscentz
Ni qius honrar qel meschai
Qeus onre tant qem desplai
& on plus honraria
Adoncs iperdria mai.

p. 92.

La tenzos de Taurel eden Falconet.

Falconet de guillalmona
Uos ueig en amorat
El marges de mon ferat

Fai pechat qe nonlaus dona

Qanc mais tan bon rosian
No uim permenar putan

Ni miels sapcha la uia del bordel
Etain se ben la malsana almezel.

Nolt fo uostra lanza bona
En taurel per mon grat
Non fora al desbarar
Qant anauatz uas cremona
Mainz caualliers euilanz
Auzizetz de uostras mans

Pero pechat non aguest el mazel
Qe totz prumers fugitz uostre uedel.

Falconet cel qius abeta
Non fa qe cortes
Ni la rauba del marqes
Nous encombra la boneta
Oi mais pot uostre roncis
Anar plus leu pels camis
Eqant seres albergat en lostal
Lanoig siatz segurs de maniar mal.

Non crei qeus don nius prometa
Taurel daqest mes
Ronciners loglars plaides
Pron sabetz de la falueta
Se ia de guillem rentin
Trahetz chaual ni roncin

Anz portaretz armas de mon segnal
Pois donara adamdos per igal.

Lo segners de tartarona
Ueig qes meilluratz

Bastis castel efosat
Eguerreia emet edona
Erauba ser ematis

Las estradas els camis

& apromes al fol de gallian
Lo palafre del prumer mercadan.

Fe qieu deigna guillelmona
Taurel per senat

Teing marqes de mon ferat
Ben li taing portar corona
Qaissi trais sa guerra sin
Com fetz rainaltz esengrin
Qab fianza destruis passiian

Ma miels conquis lemperaire milan.