Aqest affan qe uos mifaitz durar
Que nuoich eiorn mi fasetz caualgar
Que nom laissatz ni pausar ni dor-
mir

Ges en la compaigna
Martin algai

Hom pieitz non trai

Sembla maniars mi sofraigna.

Vos eus sabetz si non uoletz mentir Nuc de sain circ canc eu nous fi

cercar

En caerssin per mas terras mostrar
Anz menoiet fort qan uos ui uenir
Qe dieus mi contraigna
Sal cor qieu ai
No uolgra mai

Qe fossetz enespaigna.

fol. 184 b.

Lo Coms derodes. e Nuc desain circ.

Nugo uostre semblan digatz
Duna dompna encui menten
On ai tot mon cor emon sen
Pausat enuill autra nom platz
Tant qieu lam per drudaria
Mas perlieis celar uolria
Aillor preiar sil abellis
Mas lieis nompar que mo sofris
Fe qem deuetz qeus nes auis
Pois denuil benfaich nom socor
Vedam lopreiar peramor
Opermal oper benuolenssa
Digatz men uostra conoissenssa.

Seigner daisso qem demandatz
Vos respondrai certanamen
So qieu encre nim nes paruen
Segon la razon qe comtatz
Ill ditz qe nous amaria

Ni uol caiatz autra amia
Nils faitz nils digz non uos grazis
Aqest affars es totz deuis
Pois qui nous reten nius giquis
Enquerir uostre ioi aillor

Non uol caiatz ben ni honor
Ni nompar ges qamors lauenssa
Pois aitals es sa captenenssa.

Nugo trop mal me conseillatz
Daisso segon mon escien
Car dizetz qels precs mi deffen
Per mon mal que de uer sapchatz

Qe tant liplatz maparia
Que per ren non soffriria
Que nuilla autra dompna enquises
Ni per als samor nom gandis
Mas per conoisser sieul sui fis
Osil ai cor galiador
Euos rasonatz gran folor

Qe ben par qe mos bens lagenssa
Pos non uol qieu uir mentendenssa.

Seigner fort gen uos rasonatz
Alei domen qe tort conten
Mas drutz qe ama finamen
Non sap si sec sens ofoudatz
Ni non conois sis galia
Que ia puois fins non seria
Euos a tant amors conquis
Qe non conoissetz sius trabis
E amatz cel cui es aclis
Don pois nous laissa ualedor
Cossius pot uoler mal maior
Si dieus mi sal ama paruensa
Tot qant uos ditz es uiltenenssa.

Nugo si fos sa uoluntatz
Aitals cum uos anatz dizen
Eu cre quil uolgra ueramen
Qiem fos uas autra part uiratz
Car sill encor non auia
Que mames per qem tolria
Qe siuals dautra nom gauzis
Eu noncail fis anc mal nil dis
Non creiria quil tant faillis
Car cel qa son bon seruidor
Tot qe non qeira autre seignor
Si ben noil fai perma cresenssa
Meins en deu ualer sa ualenssa.

Seigner uos etz ben sembellatz
Cum lauzels qal sembel se pren
Car sesgrat eses gauzimen
Amatz euos non etz amatz
Pero non dic que ben sia
Sius enpreisona nius lia
Enuill ioi desi nous aizis
Ni uostres precs non obezis
So non crei com anc mais auzis
Auenir anuill amador

Eu non sai causir lomeillor
Car greus es trop longa entendenssa
Emal com lais so que comenssa.

Nugo eu uuoill qe lo dalfis
Daluernge que sap ben damor
Cum ella uai euen ecor
Iutge sim ueda lentendensa
Per momal oper ben uolenssa.

El uolpill delemperador
Volian lombart enuazir
Eia non laisson per paor
Sobre de cremona bastir

Quel coms raimons es sai honratz
Car ab lo rei ses afiatz.

Ben sai que limalparlador
Car uuoill delor gerra uer dir
Men appellarant sofridor
Car milais forssar ebaillir
Qels dons que mos frair ma iuratz
Uol retener lautra meitatz.

Pois non uolon dreich ni amor
Miei fraire ni mos plaitz sofrir
Ges per lezidors dobrador
Sieu men podia reuestir
Non dei esser mal razonatz
Quil fant plaidei

Maintas uetz com nols na preiatz.

Mas eu hai tant enseignador
Non sai per crist lomieils chausir
Qan eu prend etuoill sa ricor
Daquels qe nom laisson garir
Dizon que trop me sui cochatz
Car non gerrei

Ditz hom aras qieu sui maluatz.

fol. 194 a. Bertrans deborn.

Seigner encoms ablasmar
Vos fai senes faillia

Car noi ausatz anar
Pois ella o uolia
Ala dompna parlar
Et alfor decataloigna

Al uostrops eu nai uergoigna
Car lai fesetz fadiar.

E fis drutz nois deu tardar
Si messatgel uenia
Mas que pens delanar
Eqeis meta enlauia
Com non sap son affar
Desidonz ni sabesoigna
Ben leu a talan que loigna
Perque nois deu aturar.

E qan uitz uostre ioglar Qué de uas lieis uenia Ia uous degratz restar Qius dones normandia

Sacsetz bon cor danar
Antre beira edordoigna
Deregart nous daratz soigna
Ni ia nous degra membrar.

Mas ara podetz proar
Ses uers so qeu dizia
Que non fai adamar
Rics hom per drudaria
Tant ant acossirar

Per qel iois damor los loigna
Qieu non uuoill auer bergoigna
Sens temer esens celar.

Qieu non uuoill ges esser bar
Ni de gran manentia
Per qem pogues reptar
Nuills hom deuilania
Mais am rire egabar

Ab mi donz que men somoigna
Qeuno uolria gascoigna
Ni bretaigna capdellar.

Mon chant uir uas nazemar
Qui sonor en sabria
Cui nostre seigner car
Sa pauca lombardia
Tant gen sap dompneiar
Qe nois camia nis broigna
Per menassas anz ressoigna
Lemozin fai reserar.

Sil coms iaufres nois loigna
Peitau egascoigna

Sitot nois sap dompneiar.