fol. 156.b.

Nues desain circ.

Ses desir eses razo
Qieu non ai don sia gais
Mi uen emon cor em nais
Vs doutz desirs qem somo
Qieu chan efassa chansso
Eqem done solatz et alegranssa
Esia gais e que fassa semblanssa
Qe dalegrier uen hom enbon esper
E debon esperanssa engran plazer.

Vers es que longa sazo
Ai estat en grans esmais
Cargatz dira edesglais
En gerra & entensso

Per cellieis qe mal anc fo
Aitan plazens edebella acoindanssa
Qel cor mauci la doussa remem-
branssa

Mas malmongrat segon qieu fatz parer

Torn lieis qieu plus desir enoncaler.

E si nai mon cor fello

Nin plaing nin plor nim nirais
Per lieis qe samor mestrais
Mi ni lieis non ochaiso..
Caitals ai estatz eso

Que anc damor non aic gran benan

Damar eu men don gran temor
Car aillors enai ielosia
Car cel qui ten en sa baillia
Castel amaing demandador
Del perdre deu auer paor.

Chanssos enans que ans aillor
Analazais dautier ten uia
Qieu uuoill que sapcha decal guia
Mestai ecum me uai damor
Ecum eu sui partitz derror.

fol. 157 b.

Nucs desain circ.

Dels huoills edel cor ede me
Ai eu mezeis pechat trop gran
Car eu celliei qe mon cor te
Non uei emuor sai desiran
El cor plangen els huoils ploran
Car sill autre ben nom fazia
Siuals lo iorn que eu podia
Son bel cors gai plazen uezer
Nom podia mals dan tener.

Perqes fols qui en amor cre
Son sen niren fai qeil coman
Qieu lo crezei perqem naue
Amarrir plaignen sospiran
Qel sens uole que manes loignan
Demidonz don teing afoillia
Totz faitz que ioi damor desuia
Eteing asen et asaber

Tot so que iois men fai uoler.

Chascus hom que son gen cors ue
Lama eladopta elablan
Et eu mais qelcor elafe
Hi ai mes etot mon talan
Que sa clara beutatz resplan
E sa humils plazens paria
El solatz ela cortesia
Lafant honrar ecar tener
Als pros egrazir etemer.

Tant ual quesitot nom fai be
Ial cor nimos precs nimon chan
Non partrai ecades merce
Noil qieira humilmen merceian
Qieu sai qonrat mison lidan
Car qui per rics

Lesforssamens si beis fadia

Nes gens per qieu non uuoill mouer Locorni ls precs nil bon esper.

Anz lam elamarai iasse

Qecs iorns mi sembla plus dun an
Car non la uei enom rete
Nuills faitz on eu fassa engan
Anz cre far sonpro el mieu dan
Ai las entant auinen guia
Ai essaiat si ia poiria
Samor nison grat retener

Ni cum poirai far far son plazer.

Pros comtessa demonferran
Mas mans iointas on que sia
Soplei uas uostra seignoria
E creissi atot mon poder
La ualor que uos fai ualer.

fol. 158 a.

Nucs desain circ.

Mains greus durs pessamens
Emains desirs plazens
E maintas greus dolors
Mescladas ab doussors
Sent emaint desplazer
Cel qestai en poder
Damor & en baillia
Caissi uiu meitadatz
Amics enamoratz
Ab ioi & ab feunia.

Dompnas desconoissens
Ab lor leugiers talens
An tant faich qe amors
Par als plus fis errors
Qe non podon tener
Vn iorn ferm lor uoler
Epar lor cortesia
Engans efalsetatz
Elor nescis baratz
Iois ebella coindia.

Daqim moc lespauens
Don ai estat temens
Perque nom fo sabors
Bels semblans ni honors
Ni non tengui auer
Promessa ni plazer
Ni bel dich non prendria
Mas endreich desolatz
Mas er sui tals tornatz
Cab sol scignar uenria.

Als bels captenemens
Et als cortes paruens
Et al fugir follors
Conois hom las meillors

Qel semblans fai parer
So don al cors uoler
Doncs si de far foillia
Non uos pren uoluntatz
Jal semblan non fassatz
Nois taing que plus endia.

fol. 158 b. Perdigons.

Tot lan mi ten amors daital faiso Cum estai cel qal mal dond sadormis

Emorria dormen tant es conquis Enbreu dora entro com lo ressida Atressi mes tals dolors demedida Qem donamors que sol nom sai nim

sen

Ecuich morir ab aqest marrimen Tro qe mesfortz defar una chansso Qem resside daqest tormen on so.

Ben fetz amors lusatge del lairo
Qand encontra cellui destraing pays
Eil fai creire caillors es sos camis
Tro que li ditz bels amics tu mi
guida

Et enaissi es mainta gens trahida
Qe lail mena on puois lolia elpren
Et eu puose dir atressi ueramen
Qez eu segei amor tant coil saup bo
Tant mi menet tro mac ensa preiso.

Etem lai pres on non trob rezensso Mas dema mort caissi lor abellis Entre midonz & amors cui sui fis Lorplatz mamortz elor es abellida Mas eu sui cel que merce nolor crida

Plus cum fai cel qes liuratz atormen Que sap que plus noil ualria nien Clamar merce aia tort o razo Perqeu men lais qe mot non lor

enso.

Pero non sai cal me fassa ocal no Pois per mon dan mengana em trahis

Amors uas cui estau totztemps aclis
Al sieu plazer caitals fo mescarida
Etengro trop aparaula grazida
Sol nom mostres tant brau chapte-

nemen

Mas sill saunis pel mieu dechazemen Archiv f. n. Sprachen. XXXIV.

Bem dizon sen mas chanssos
Fezes sonetz plazens egais
Qe mos chans enualgra mais
Et eu segon mas razos
Taing que fassa motz esos
Quil auzon bem cancsemplang
En chantan delmal damor
E sieu chan dema dolor
Nonlor deu esser estraing
Si nom fatz sos coindes ni galau-
biers
Cab marimen nosacorda alegriers.

E car eu sui enueios
Detotz auinens assais
Conosc quenoia als sauais
Perqieu mo pretz perun dos
Eia maluaz nuaillos

Nom tolran tant ric gazaing
Si puosc conqerre ualor
Ab sola lieis cui ador
Qes aurs enpoder destaing
Plassa mos bes puois sieus sui do-
mengiers
Amon dan met gelos elausengiers.

Entramor epessamen
E bons cuitz egreu cossir
Efin ioi elonc desir
Mi menon leuan cazen

12

E pel lonc sospir eplor
Depaor
Qel comiatz

Qem fon donatz
Gen acordatz

Soblit car no sui tornatz.

Ar parra dafortimen
Qim ue laissar eguerpir
Si autrem uol acuillir
Nim reten per chausimen
Car li ualen ualedor
Ant sabor

Dels laissatz
Desamparatz
Don par pechatz
Fassen capteins acabatz.

Fins iois dreituraus defen
Que cui que ueiatz faillir
Qe uos noi prendatz albir
Mas pretz eualor esen

Vos det dieus qeus fetz meillor

E gensor
Dels regnatz

Que lenganatz
Viu sals

Elautre encolpatz.

Qim laissa ses faillimen
Ges pertant non cuich delir
Qancar ai on puose garir
Si dieus lobautz mi deffen
Qe lai trob fina ualor
Ses error

On lonratz
Pretz esmeratz
Sobrepoiatz

Amparals desamparatz.

fol. 166 b.

Nazemars lo negres.

Eram uai mieills qe non sol
Edirai razon perque
Camors nom forssa dere
Anz mi promet emaiuda
Emostram cel qe nois muda
De son luoc si noi aten
Honor fai saber esen.

Esi dompna ioues uol
Amar lui qe noil coue
Ebel chastiar non cre
Ades sera remasuda

Ni ia mais non er uolguda

Per beutat ni per iouen
Entre la cortesa gen.

E puois uei qenaissim col
Amors qen fassa mon be
Aurai bon conort en me
Eqerrai labenuenguda
Qe nom platz pena perduda
Ni mentirs iogan rizen
Vas son amic trop souen.

Mas er nai faich tot mon dol
Et aura merce deme
Vs adreitz cors qem rete
Emes debella paruda
Et am tal forsa creguda
Capauc deplan ardimen
Nom an ferir dentre cen.

Detot mon affar sesmol
E conoissensam reue
Vas lieis qe bon pretz mante
Qeil rend ma ioia saubuda
Ni encar non es ma druda
Mas eu sui drutz ueramen
Perfar son comandamen.

Chanssos lenfan me saluda De castella qieu enten Com nol ual deson iouen.

Na felipa es tenguda Depretz perla plus ualen. Eual mais deson iouen.

ib.

Peire bermons.

Miei huoill ant gran manentia

Aguda enlor baillia

Aram pesa car uiurei

Que ia mais ioi non aurei
Er men uuoill deltot giqir
Enoi poirai mais cobrar
Elaissarai me morir
Com ses ioi non deu durar.

Qera reman ensuria
Mos iois & eu tenc mauia
Elas terras on nasqiei
Iamais midonz non ueirei
Gran mal mi fant li sospir

Qe perlieis mauen afar

Que la nuoich non puosc dormir Eliorn mauen aueillar.