Imágenes de páginas
PDF
EPUB

SONG XLII.

GANE IS THE DAY, &c.

AIR.-GUIDWIFE COUNT TRE LAWIN.

I.
GANE is the day and mirk's the night,
But we'll ne'er stray for faute o' light,
For ale and brandy's stars and moon,
And blude red wine's the rysin sun.

Then guidwife count the lawin, the lawin, the lawin, Thenguidwife count the lawin, and bring a coggie mair.

II.
There's wealth and ease for gentlemen,
And semple-folk maun fecht and fen;
But here we're a' in ae accord,
For ilka man that's drunk 's a lord.

Then guidwife count, &c.

III. My coggie is a haly pool, That heals the wounds o' care and dool; And pleasure is a wanton trout, An'

ye drink it a' yell find him out. Then guidwife count, &c.

SONG XLIII.

WHAT CAN A YOUNG LASSIE, &c.

AIR.-WHAT CAN A YOUNG LASSIE DO WI AN AULD MAN.

I. What can a young lassie, what shall a young

lassie, What can a young lassie do wi' an auld man? Bad luck on the pennie that tempted my minnie To sell her poor Jenny for siller an lan’!

Bad luck on the pennie, 8c.

II.
He's always compleenin frae mornin to e'

He hosts and he hirples the weary day lang; He's doyl't and he's dozin, his blude it is frozen,

O, dreary's the night wi' a crazy auld man!

III. He hums and he hankers, he frets and he cankers,

I never can please him, do a' that I can; He's peevish, and jealous of a' the young fellows,

O, dool on the day I met wi' an auld man !

IV.
My auld auntie Katie upon me takes pity,

I'll do my endeavour to follow her plan ;
I'll cross him, and wrack him until I heart-break him,

And then his auld brass will buy me a new pan.

SONG XLIV.

BONNIE WEE THING, &c.

I. BONNIE wee thing, cannie wee thing,

Lovely wee thing was thou mine; I wad wear thee in my bosom,

Lest my jewel I should tine.

II. Wishfully I look and languish,

In that bonnie face of thine : And my

heart it stounds wi' anguish, Lest my wee thing be na mine.

III.
Wit, and grace, and love, and beauty,

In ae constellation shine;
To adore thee is my duty,
Goddess o' this soul o' mine!

Bonnie wee, 8c.

« AnteriorContinuar »